منتديات كلك غلا - كلّ الظنون أعذار ( ما هي صحيحه ) ..!

http://store3.up-00.com/Dec10/RcN08635.jpg

مشغول .. متضايق .. أو الخوف تعبان ..!
............ كلّ الظنون أعذار ( ما هي صحيحه )

مُبطي وانا انخى من قساوتك تِحنان
............ لكن يدين الوقت مثلك .. شحيحه

يا كمْ .. تسلّقتك .. و هزّيتك أغصان
............ و تْساقطت من غصن صدّك قريحه

سوّيت لك فالشعر نُوتات .. وألحان
............ و اعميت لي .. كلّ البيوت الفصيحه

لو كنت تشرح لي عنا فيك ما كان
............ خلّف غيابك فيني .. أشيا جريحه

ما جيتك أطلب منّك .. بْرنت بُرهان
............ عن وين كنت و ليه مِطفي الشريحه ..؟

الظنّ فيك أكبر و هالحين هْو .. خان
............ وش في يدي دآمك .. تردّ النصيحه ..!

كسّرت صوت الذات كسّرت جِنحان
............ لا والله إلاّ شلت قلبي .. لْـ ضريحه

يا كثْر م اخلق لك معاذير يا .. فلان
............ و أكذب على عْيون الغياب الصريحه

ملّيت أنا وربكّ .. تنآهيت وأحزان
............ و شْكوك أكذّبها .. وانا ادري صحيحه
............ و شْكوك أكذّبها .. وانا ادري صحيحه
............ و شْكوك أكذّبها .. وانا ادري صحيحه