امل اعجابكم جديد
 

بسم الله الرحمن الرحيم


السلام عليكم و رحمة الله و بركاته


مساكم الله بالخير جميعا



ابيات متواضعه لعلها تصل لقلوبكم





كل رجــلٍ شايــلٍ في صدره همـــوم و قهــر
قيـــل قبلي ماعلى الدنيا ضمــيرٍ مستريح

غير لامنه غــــدا في خــاطـري ضيق و كدر
احمد الله.. بس بعض احيان دمعاتي تسيح

وكان ماللرجـــل بين النــاس منــزال و قدر
موته احسن من حياة الذل و الحظ الشحيح

وافضل خصال الرجل صبرٍ على جور الدهر
من صبر يلقى الاجر من مالك الكون الفسيح

والثقـــه في النفس بــزيـــاده قــريـــبه للكــبر
و الكبر راعيه بين الناس مذموم و قبيح

من تواضع يكسب الامداح لـوّه في القبـــر
وحظ منهو في الحياه و في القبر رجلٍ مديح

والصـراحه طيــّبه لا صـار ماهي بالجهــــر
ما هو بقايــل عذاريـبك سوى رجلٍ صريح

ومن تعلم في الصغر يلقى النتيجه في الكبر
والثقافه تجعـــل الجاهل له لسانٍ فصيــح

البنــــادم كـــــان ما ياخـــذ من الدنيا عِـــبـر
مثل مكسـور الجناح اليا بغى القمه يطيح

والشعـر مثل الـــدرر و الدر في وسـط البحر
ومن يعـومه يعرف الشعر الهزيل من الصحيح

ماتعــــب فكـــري من الابيـــات لــو جف الحبر
وشــــامخٍ مثـــل الجبـــــل ماهـــزته هبات ريح





وسلامتكم