|
على بالي حبيبي.. بـ ليله البس لگ الابيض وآصير ملگگ والدنيا تشهد .الحلقة الرابعة"99"
|
الله الله العنود بنت خالد
مازال الابداع ملازمك وللابد اختى الغاليه انتقائك للموضوع رائع وبوقته زي مايقولو لو بدينا بالأتكيت والبرستيج الهاي نجدوو انوو بحفله صغيراا ومختصراا وتكليف ببعض الاساسيات الخاصه بالعروس بيتها سفرها كشختها بس .. واذا رجعنا للعادات السعوديه بالاصل تقام بولائم وعادات معروفه الكل يعرفها .. لكن الحاصل الحين تاهوو مابين الاتكيت والعادات القديمه .. والي همهم اكبر عدد مبلغ انصرف لجل يقولوو كلف كذا وكذا هذا الجد ,,, وبالنسبه لأجوبتي .. كيف تتمنين زوآجك .. ؟ بتمنى بمستوى الوسط اهم شي مايفشل ههههــــــ انتي مع او ضد اللي يأخرون زوآجاتهم لين الفجر .. ؟ ضدهم ...اغاني وطرب الى قرب الفجر والرب سبحانه وتعالى بالسماء الدنيا ينادي هل من داعي استجيب له وهل من مستغفر فأغفر له فيما معنى الحديث وهم وينهم عن هذا النداء اسال الله العفو والغفران ,, لو زوجك قالك .. أبي زوآج عائلي وبسيط .. وش راح تردين عليه .. ؟ اممممممم’ عاتي مراا بزعل شوي بس بدون مااوضحلوو اكيد برضى لو ماديتوو صعبه .. لكن برضى كثير لو التعويض سفراا محترمه .. بشكرك خيتوووووو وواصلي للقمه ودي صموتهـ |
مبدعة كعادتك العنود في الانتقاء الرائع للمواضيع وحسن التقديم .. بالنسبة لرأيي في الحفلات المبالغ فيها لايخفى علينا جميعآ أن كل هذا يدخل في باب التبذير والاسراف وقد يدخل فيه الرياء والنفاق أيضآ ... والله أفضل شهر العسل لأن مثل ماقلتي لو مهما عملت الناس راح يطلعون عيوب مالها حد ... كيف تتمنى زوآجك .. ؟ بصراااحة أتمناه يرضي جميع الاذواق مع صعوووبة هالشي لكن أحاول بقد ماقدر ارضي أكبر طائفة وقبل أي حاااجة أدور رضى الرب عز وجل بقدر الامكان وعدم التبذير والاسراف في الولائم انت مع او ضد اللي يأخرون زوآجاتهم لين الفجر .. ؟ لا وين حلاة الزواج إلى الساعة 1 بالكثر يكون منتهي مو مثل الحين بعض الزواجات مايبدون الا الساعة 3 كأنهم خبازين ههههههههههههههاي لو زوجتك عندت وماتبي الا حفله كبيرا .. وش راح تسوي :xD1: ؟ طبعآ راح احقق لها طلبها بقد ماقدر وبحدود المعقول .. أشكرك مرة أخرى العنود على هذه المواضيع وننتظر القادم منك لاعدمناااك |
اولا اشكرك العنود على الطرح الرائع
وهذا ليس بالغريب من مبدعه في طروحها دائما وش رأيك .. بالحفلات المبآلغ فيهآ حتى لو الشخص مقتدر .. ؟ والله انا في نظري اشوف مالها داعي والاسلام حثنا على عدم الاسراف وش الأهم عندك .. العرس أو شهر العسل .. ؟ والله شهر العسل عندي اهم سعادة النفس اهم من رضى الناس التي لا تدرك كيف تتمنين زوآجك .. ؟ زواج حلو ومرتب ويشرف انتي مع او ضد اللي يأخرون زوآجاتهم لين الفجر .. ؟ ضدها لو زوجك قالك .. أبي زوآج عائلي وبسيط .. وش راح تردين عليه .. ؟ اكيد باخذ بخاطري لان كل وحده تبي تفرح هاذي ليله العمره بس في الاخير برضى مهما كان رضى زوجي قبل كل شي يسلمووو يالعنود على الطرح الرائع مودتي روز |
هلا بطرح رآقــــــــــــي ورآئع
ومميـــز كتميز صــاحبه ،، سلمت يمنــاك الذهبيــه على رصعت من روآئع بين أحرفك البرآقه اسئلة للشباب : كيف تتمنى زوآجك .. ؟ عادي لا كبير مررة ولا صغير انت مع او ضد اللي يأخرون زوآجاتهم لين الفجر .. ؟ ضد لو زوجتك عندت وماتبي الا حفله كبيرا .. وش راح تسوي :xD1: ؟ احاول معها او حفله كبيره |
العنود دائما مميزه يطرحك لاعدمنا هذا الطرح
وش رأيك .. بالحفلات المبآلغ فيهآ حتى لو الشخص مقتدر .. ؟ والله سبحانه نهى عن الاسراف والتبذير والناس كلها يومين وينسون وش صار فالزواج وش الأهم عندك .. العرس أو شهر العسل .. ؟ بصراحه شهر العسل لان اللي بيفرح انا مو الناسكيف تتمنين زوآجك .. ؟ يكون حلو ومعقول وبدون مبالغه بس مايكون اقل من غيره يصير عادي جدا.. انتي مع او ضد اللي ياخرون زواجاتهم لين الفجر..؟ ضد التاخير الواحد معاد فيه طاقه يجلس للفجريجهز من الصباح ويجلس للفجرصعبه لو زوجك قالك .. أبي زوآج عائلي وبسيط .. وش راح تردين عليه .. ؟<<<<<<:thumb-up::thumb-up::thumb-up: مشكوره عنوده على الموضوع الرائع ننتظر جديدك.. |
< كم أنتي عظيمه يالعنود > طرح وتنسيق في قمة من الجمال وش رأيك .. بالحفلات المبآلغ فيهآ حتى لو الشخص مقتدر .. ؟ مافيه احد يكره التميز...وطبعاا فيه تميز باقل الاسعارلكن ذا اسراف وبذخ يكون سبب في غضب الله على الشخص المبذر... ثانيااا..رضا لناس غاية لاتدرك.مهما سويت ماراح يعجبهمشي.. وش الأهم عندك .. العرس أو شهر العسل .. ؟ الاهم عندي شهر العسل... لان العرس ماراح اكون فيه الا ثلاث ساعات ويمكن اقل ماراح استفيد كيف تتمنى زوآجك .. ؟ أكيد أتمنى أجمل مايكون لأنو هذا ليلة العمر بالنسبة لي انت مع او ضد اللي يأخرون زوآجاتهم لين الفجر .. ؟ أكيد ضد هالكلام لو زوجتك عندت وماتبي الا حفله كبيرا .. وش راح تسوي :xD1: ؟ ههههه على حسابها هي وأبوها ههههه لا أكيد بنحل الموضوع بالتفاهم ، وبعد أنا لازم أكون مرن شوي معها تحياتي لكــــ |
العنووود كم ابدعتي وتألقتي وتميزتي من خلال هذا البرناامج
المواضيع الشيقه والهاادفه الي تختااارينهااا كيف تتمنين زوآجك .. ؟ اممم فستان وزفه حلوه وبسيطه عشان الفرحه .. انتي مع او ضد اللي يأخرون زوآجاتهم لين الفجر .. ؟ لا ضد اكيد وللآسف هذا حال اعراسنا الان حيت توصل الى الفجر وقت الاستجااابه والخشووع التضرع لله سبحاانه وتعاالى افضل الى 1 ولا يتعدااها لو زوجك قالك .. أبي زوآج عائلي وبسيط .. وش راح تردين عليه .. ؟ اممممممم هو حلو الفرح يكون للجميع بس اذا ضروفه ماتسااعده اووكي بواافق مااعندي ماانع بدين وش اخذ من تجمع العالم والله غير الحكي وبس يعني مختصره احسن |
يسلموووووووو يالغلا ع الموضوع الرااااااائع
اسئله عآمه : وش رأيك .. بالحفلات المبآلغ فيهآ حتى لو الشخص مقتدر .. ؟ انا ضدها حلو تكون الحفلات بمستوى راقي وبسيط وش الأهم عندك .. العرس أو شهر العسل العرس اكيد لانها ليله بالعمر ما تنعاداسئله للبنآت : كيف تتمنين زوآجك .. ؟ حلو وراااااااقي ومن نفس مستوانا العائلي انتي مع او ضد اللي يأخرون زوآجاتهم لين الفجر .. ؟ اكييد ضد التأخير اهم شي رضى الله علينا... لو زوجك قالك .. أبي زوآج عائلي وبسيط .. وش راح تردين عليه .. بس اذا انا ما ابيه والله لو يموت ما ارضى واسوي حفله كبيره واعزم كل الناس واخيرا اشكرك ع الموضوع الجميل احترامي وودي لك |
العنوووووووود صدق رهييييبه موضوع راااااائع
بس تراااا( رضا الناس غايه لا تدرك ) مهما فعلت وحطيت ونقصت بالزوااج او اي مناسبه كانت ما يعجب العالم ,, فيه مقوله تقول ( لولا اختلاف الاذواق لا بارت السلع ) يعني لو كانت العالم اذواقها وحده كان ماحصلنا لكل شي الف صنف وصنف فهذا ان دل ,, دل على اختلاف الناس في الرآي وفي الذوق ,, فيه فئه من الناس مايهمها الذوق كثر مايهمها السعر ,, مستعده تشتري بلوزه بذيك القيمه وهي ماتستاهل لا خامه ولا موديل بس عشانها من الماركه الفلانيه وبالسعر الفلاني !!! طولت في الاجابه بس اعذروني تحمست شويااات << انقلعي ماتنعطين وجه اسئلة البنات ... وش رأيك .. بالحفلات المبآلغ فيهآ حتى لو الشخص مقتدر .. ؟
ودعوااتي لكل اللي ماتزوجوا بالزوااج السعيد ولك فااائق حبي وتقديري |
| All times are GMT +3. The time now is 09:01 PM. |
Powered by vBulletin® Version 3.8.9
Copyright ©2000 - 2026, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا